الثلاثاء، 7 فبراير 2012

انا مصري


كان في في يوم شعب 
عاش 30 سنه
فيهم حكاوي كتير وقليل


حكاوي حلوه والوحش فيها برضو كتير
فيها الشر وفيها الخير
اصل العالم كله كان بجد ضرير 


ناس كانت بتموت من الفقر
بس الاهم انه كان في صبر


لكن الصبر ده نفذ يا اخواني
مكنش ينفع نستنى اكتر من كده تاني


ناس بتتسجن ظلم
ناس بتموت من الهم
ناس مش عارفه تعيش من كتر الغم
ومن جواها اللي ما يتلم


قررو يعملو ثوره
بتقول ايه ؟ ثوره ؟
ااه وفيها ايه
اصل اللي حصلنا مش قليل
وخلاص بجد اتهد الحيل
لازم كنا نثور عشان بلدنا خلاص الخير قرب يموت
وخلاص لازم يطلع لينا صووت


حريه حريه حتى النصر يأما الموت
منا اموت احسن من اني اعيش في سكوت
سكوت موديني ورا الشمس وعمري ما هكون مبسوط


ثورتنا نجحت ياخونّأ
من الصغير للكبير فرح وغنى
بحبك يا بلادي وبجد بتمنى
اعيش على ارضك وفي حضنك اتهنى


خلاص مكنش ينفع استنى
الناس تنهش فيكي وانا بتفرج 
لازم كنت اثور بدل مانا قاعد بتمرمط


مكنش ينفع اسكت تاني عن حقي
خلاص يا بلدي وحياتي ل تهدي


هرضى بنصيبي بعد كده واعيش على ادي
وهفتخر بيكي واقول ادام العالم كله


انا مصري 
<3


بقلم رحاب حماد

الخميس، 26 يناير 2012

احسن العلاقات


في ناس بنحبهم
مستخبيين فـ مكان معين جوه قلبنا <3
ممكن منفتكرهمش بالايام
بس يوم ما يحتاجونا
او يجرالهم حاجه
نحس بيهم .. نحلم بيهم
او فجأه ييجو على بالنا زي القدر مستعجل
ولما نسأل عليهم نلاقيهم فعلا محتاجيننا ! <3


دي بجد بتبقى احسن العلاقات
لا تقولولي ناس بتسأل على بعض كل يوم
ولا ناس فـ وش بعض طول اليوم
هي دي علاقات مش وحشه
بس مبيبقاش حب في الله اووي
زي العلاقه الاولانيه دي
:)


رحاب حماد

الأربعاء، 18 يناير 2012

حاول تشوف نفسك

عارف
لما تبقى بتضحكـ للناس 
وجواكـ بيوجعكـ !
لما تبقى مش واثق فـ اي حد
بس بتحاول تدور على قشه الثقه وسط رمل الشكـ !
لما تبقى محتاج تلبس نضاره
عشان تشوف الدنيا من بعيد شويه !
لما يبقى مش عاجبكـ حالكـ
برغم ان الناس بتشكر فيكـ ! وبتبقى عارف انه نفاق
بس بتصدق !!
لما تطق فـ دماغكـ فكره
وتروح كأنها مجتش !

حاول تشوف نفسكـ
وافهمها كويس .. وصلح منها
عشان تعيش .. مبسوط
:)

الاثنين، 16 يناير 2012

بدور عليّا !

يبدور عليّا .. جوايا
مش لاقياني


باينّي ضعت ولا ايه؟
اصلي كنت هنا من شويه .. قاعده فـ حالي
لا بيا ولا عليا بـ  حاجه


وفجأه حد جه وخدني من مكاني
دنيا تانيه لاقتها احلى وعجباني


دخلتها وعشتها وحسيت ان ناسها حبّاني
قلت لازم اكون فيها دي دنيا احلى كتير من دنيت زمان
وخصوصا بقى ان بتاعه زمان دي مبقاش ليها امان
وكل الناس فيها بقت بتخون وبتدوس الناس وبتضرب في المليان


بس الدنيا التانيه دي .. حبه صغيره لاقتها اتغيرت
مبقتش زي اول مره شوفتها .. !
بس عملت ليا حاجه مفيده اوي
خلّتني من بعدها سكتي نوّرت
انما وحشتني دنيتي اللي فاتت


بـ كل معانيها وناسها واهلها
اصلي زمان مصبرتش عليهم وعلى نفسي
وخليت نفسي تتوه من بعدها


وحشتني "انا" بتاعه زمان
ليه اتغيرت ؟
كانت صافيه كتير زمان
لما دلوقتي كبرت واتدوّرت
بقت خلاص مش زي الاول


انما انا مش ناويه اسيبها كده
ناويه اخليها ترجع تاني ل ايام ما كانت احلى من كده


وحشتيني يا انا ! =)
تفتكرو ممكن ترجع تاني؟






بقلم .. رحاب حماد

الجمعة، 13 يناير 2012

سأظل انا مهما حدث :)

صغيره انا
اجلس على حافه الصخره
وحدي

اقرأ ما تبقى لي من اوراق
كنت اكتبها في الماضي
قد ذهبت عندما ذهب كل شيء جميل

تبقّت هذه الاوراق لأعلم ان لازال هناك أمل
لازال يوجد حياه .. يمكنها ان تجعلني سعيده
يمكنني ان ارى عالمي بشكل افضل

ارى نورٌ حيث يسقط هدفي
واعلم انه سوف يتحقق بأرادتي
وسوف يجعل مني "شخص" يٌذكر 

لم تجعلني المشاكل اشيب
فـ لازلت صغيره كما انا
كـ الريشه التي تتطاير في المكان الذي يحلو لها
وتتأرجح على موج الرياح .. وتستقر في موضع آمن

سأظلُ انا مهما حدث 



بقلم .. رحاب حماد

الجمعة، 6 يناير 2012

وِحِشنا لازم نتعلم منه

في حياه كل واحد فينا .. مواقف
فيها الحلو .. وفيها الوحش
بس مهما الوحش يغلب .. انت المفروض تبص للحلو اكتر عشان تعيش
بس مش ينفع برضو تنسى تماما انك عملت وحش !
الفكره ف حاجه
لو بصينا لدنيتنا .. وافعالنا اللي بنعملها في حياتنا
هنلاقي بلاااااوي ! ايوه مش بهزر
كل واحد فينا عمل بلاوي سوودا
بص فـ المرايه على نفسك كده .. وركز على عينيك 
وارجع بالذاكره شويتين تلاته
وطلع البلاوي بتاعه ماضيك .. هتلاقيك ولموأخذه ضايع


هو اه .. صح انك تنسى الماضي وتبدأ من جديد
بس في حاجه مهمه
لو نسيت الماضي من غير ما تتعلم منه .. مش بعيد بتاتا انك تعمل الغلط اللي عملته زمان دا تاني !
اصلك متعلمتش .. وعديت الامر كأن لم يكن
عشان كده متستغربش .. انك بتعمل الغلط اكتر من مره
قلبك بيتباسط مع نفسه لدرجه انه يبقى مقتنع انه ابيض صافي مفيهوش مشاكل
بس هو مخبي جواه بلاوي
عاوز تنسى البلاوي دي .. لازم تفتكر كل بلوه عملتها 
واعرف عملها ليه .. واعرف انك غلطت فيها ازاي
عشان متعملهاش تاني .. وعشاان متعذبكش اما تفتكرها
تقوم اما تفتكرها تاني تقول خلاص انا خدت من الموقف ده الحلو ! ^^

رغي كتير .. بس لو فكرت فـ الكلام بجد وحسيته

هتفهمه
:)


رحاب حماد

هذه فقط البدايه

كل ما تم خلقه في هذه الدنيا خُلق بـ فِكر ومنطق
وانت وانا خُلقنا في هذه الدنيا بمنطق اللا انهيار
فـ نعيش لكي نبني .. ولـ نموت على احياء بُنانا

يارب .. اجعل عملنا في الدنيا يعيش بعد مماتنا

رحاب حماد